Пахтаободдаги маҳаллада 120 метр йўлга асфальт ётқизилди
Aндижон вилояти Пахтаобод тумани «Мустақиллиқ» маҳалласида 3 сентябръ куни бошланган асфальтлаш ишлари 10 сентябрда якунланди. Бу ҳақда туман ҳокимлиги матбуот хизмати хабар қилди.
Хабарга кўра, Пахтаобод туман йўллардан фойдаланиш унитар корхонаси томонидан «Мустақиллиқ» маҳалласига кириш қисмидаги 120 метр масофада асфальтлаш ишлари якунланиб, йўллар равон ҳолатга келтирилган.
Қайд этилишича, корхона ходимлари томонидан эса «Соҳил»маҳалласидаги 2 минг метр масофадаги ички йўлларни асфальтлаш ишлари давом эттирилмоқда. Ушбу кўчалардаги ишлар ҳам тез фурсатларда ўз якунига етказилади.
Эслатиб ўтамиз, аввалроқ Пахтаобод туманидаги 4 та маҳаллага 4,5 км асфальт ётқизилгани ҳамда Иштихондаги 6 километрлик йўл таъмирига 890 миллион сўм маблағ ажратилганлиги ҳақида хабар берилганди.