Иштихонда 6 км йўл таъмирлашга 890 млн сўм маблағ ажратилди
Самарқанд вилояти Иштихон туманида маҳаллий аҳамиятдаги 6 километр йўл таъмирланмоқда. Бу ҳақда туман ҳокимлиги ахборот хизмати хабар қилди.
Фото: Иштихон туман ҳокимлиги ахборот хизмати
Хабарга кўра, айни кунларда Иштихон туман йўллардан фойдаланиш унитар корхонаси томонидан маҳаллий аҳамиятдаги 4н 548 Кўтарма—Равот—Тангитепа йўлида таъмирлаш ишлари олиб борилмоқда. Мазкур йўналишдаги йўлнинг 6 км қисмига асфальт ётқизилиши режалаштирилган. Жорий таъмирлаш ишларига 890 миллион сўм маблағ ажратилган.
Фото: Иштихон туман ҳокимлиги ахборот хизмати
«Мазкур ҳудуддаги йўллар анча эскириб, яроқсиз аҳволга келиб қолган эди. Aйни пайтда олиб борилаётган жорий таъмирлаш аҳолининг йўлда ҳаракатланиши, айниқса куз-қиш мавсумида ҳаракатланишдаги ноқулайликларнинг баратараф этилишига олиб келади», — дейди Иштихон туман йўллардан фойдаланиш унитар корхонаси бўлим бошлиғи Ҳамза Носиров.
Эслатиб ўтамиз, Андижонда ичимлик суви тармоғидаги носозлик аҳоли мурожаатига кўра бартараф этилиши маълум қилинганди.
