Бухорода боласини қийноққа солган аёлга қўшимча айблов қўйилди
Жорий йилнинг январь ойида Repost.uz Бухоро вилоятининг Шофиркон туманида она боласини уриб, қийнагани ҳақида ёзган эди.
С.Н. узоқ вақт давомида (2022 йил мартдан 2023 йил ноябргача) беш ёшли боласи С.Ф.ни бешикка боғлаб, таёқ билан урган ва қийноққа солган. Аёлга нисбатан Жиноят кодекси 110 модда (Вояга етмаган, ожиз аҳволдалиги аён бўлган шахсни қийнаш) 2 қисм «а, в» банди билан жиноят иши қўйғатилган.
Болалар омбудсмани идорасида хабар беришларича, 1 март куни ҳуқуқ тартибот идоралари аёлга нисбатан янги айблов қўйишди.
Аниқлик киритилишича, аёлнинг ҳаракатларида Жиноят кодексининг 104 моддаси (Қасддан оғир тан жароҳати еиказиш) 2 қисмида кўзда тутилган жиноят аломатлари аниқланган.
Тергов материаллари ҳукм чиқариш учун туман судига йўналтирилди.
