«Эримни айблай олмайман, у эркак киши»: Муқаддас Саъдуллаева турмуш ўртоғининг актриса билан муносабатларига фикр билдирди

Юлдуз эри билан алоҳида яшаган даврини эслади.

2022 йилнинг баҳор фаслида фойдаланувчилар ижодий жуфтлик Муқаддас Саъдуллаева ва Йигитали Мамажоновнинг орасидан қора мушук ўтганидан хабар топишди. Ўша пайтда эр-хотин ажрашиш ёқасида тургани ҳақида мишмишлар тарқалди.

Куни-кеча Муқаддас Саъдуллаева катта интервью бериб, эри билан алоҳида яшаган даврини эслади. Юлдузнинг сўзларига кўра, у ўзбек шоу-бизнесидаги актрисалардан бири Йигитали Мамажоновга ишва қилганини сезиб қолган.

«Мен актрисалардан бири оиламизга нисбатан жуда хунук иш қилганини сезиб қолдим. Ўша пайтда биз эрим билан алоҳида яшардик. Турмуш ўртоғим эркак киши. Буни тўғри қабул қилиш керак. Унга тош отиш нотўғри. Суратга олиш жараёнларидан ҳар хил гап-сўзларни эшитардим, кадрлардан қисқача видеолар олиб келишарди. Мен унинг ўзи билан гаплашишга ҳаё қилдим, аммо ўша ерда ишлайдиган ҳурматли бир аёлга мурожаат қилдим: «Опа, айтиб қўйинг, у оиласидан кетиб қолган деб, ўйламасин, бизнинг фарзандларимиз бор, ҳурматини билиб юрсин», – деб огоҳлантирдим», – бўлишди у.

Аниқланишича, бир оз вақтдан сўнг Муқаддас Саъдуллаева у актриса эрининг саҳифасига обуна бўлганини кўриб қолган. Шундан сўнг у қизга эски мазмундаги огоҳлантириш ёзишга қарор қилган: оиламизга аралашма.

«У менга жавоб ёзибди: «Эринг сени севмаса, мендами айб?». У ўзини худдики у эмас, мен унинг эрини йўлдан ургандек тутяпти», – қўшиб ўтди юлдуз.

Жумладан, изоҳларда жуфтликнинг мухлислари фикр билдириб, гап таниқли ўзбек актрисаси Айсанем Юсупова ҳақида кетаётганини ёзишган.

Маълумки, Айсанем Юсупова ва Йигитали Мамажонов Oʻzbek qizi фильмида, шунингдек, кўплаб клипларда биргаликда роль ўйнашган.