Сергелида Cobalt иштирокида аянчли ЙТҲ содир бўлди
Ижтимоий тармоқларда Сергели туманида Cobalt автомашинаси иштирокида иштирокида аянчли ЙТҲ содир бўлгани акс этган видео тарқалди. Ушбу ҳолат юзасидан Тошкент шаҳар ИИББ ЙҲХБ Матбуот хизмати изоҳ берди.
Аниқланишича, жорий йил 12 март куни соат 21:30 атрофида ҳайдовчи 2000 йилда туғилган Х.У. Cobalt автомашинасини бошқариб кетаётиб, рул бошқарувини йўқотиб, йўл четидаги реклама баннерига урилиши натижасида йўл-транспорт ҳодисаси содир бўлган.
Ушбу ЙТҲ натижасида Cobalt автомашинаси ҳайдовчиси тан жароҳат олиб шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
