Самарқандда тадбиркорга ер олиб бериш эвазига 10 минг АҚШ долларини талаб қилган фуқаро ушланди
Фуқаро ўзини ҳокимлик идораларида ишлашинини ва ер олиб беришни ваъда қилган. Бу ҳақда Иқтисодий жиноятларга қарши курашиш департаменти хабар қилди.
Фото: Иқтисодий жиноятларга қарши курашиш департаменти
Самарқанд вилоятида фуқаро Ф.М. тадбиркор А.га туман ҳудудидан ишлаб чиқариш цехи қуриш учун 1 гектар ер олиб беришни ваъда қилиб, унинг 10 минг АҚШ долларини қўлга киритганлиги аниқланиб, Ф.М. томонидан тадбиркордан олган пуллари ҳисобидан 5 000 АҚШ долларини ўз ихтиёри билан қайтарганлиги процессуал тартибда Бош прокуратура ҳузуридаги Департаментнинг Самарқанд туман бўлими томонидан расмийлаштирилган.
Мазкур ҳолат юзасидан Жиноят кодексининг 168–моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
