Ўзбекистонда 1 сентябрдан ФҲДЁ органларида 6 турдаги хизмат биргина ариза тўлдириш билан амалга оширилади (видео)
Ўзбекистонда ФҲДЁнинг барча органларида 1 сентябрдан бошлаб туғилганлик бўйича комплекс давлат хизматларини кўрсатиш амалга оширилади. Бу ҳақда Давлат хизматлари агентлиги матбуот хизмати хабар берди.
Эндиликда қуйидаги 6 та хизмат ФҲДЁ идорасида биргина ариза тўлдириш билан амалга оширилади:
- шифохонадан туғилганлик ҳақидаги тиббий маълумотнома олиш;
- ФҲДЁ органида туғилганликни қайд этиш;
- поликлиникага ҳисобга қўйиш;
- бир марталик суюнчи пулини олиш;
- яшаш жойи бўйича рўйхатга қўйиш;
- болани давлат боғчасига навбатга қўйиш.
Амалдаги тартибга асосан ушбу хизматлар учун 6 та давлат идорасига мурожаат қилинар ва ижроси 10 кун кутилар эди.
Аввалроқ Наманганда охирги 7 ой давомида 40 мингга яқин чақалоқ дунёга келгани хабар қилинган эди.
