Андижон ҳокими вилоятдаги кириш имтиҳонлари ўтказиладиган ҳудудлар билан танишди (видео)
Андижон вилояти ҳокими Шуҳрат Абдураҳмонов кириш имтиҳонлари ўтказиладиган билан танишди. Бу ҳақда вилоят ҳокимлиги матбуот хизмати хабар берди.
Фото: Андижон вилояти ҳокимлиги матбуот хизмати
Вилоятдаги «Баркамол авлод» спорт майдонида абитуриентлар тест топшириши учун 2000 та ўрин тайёрланган. Хабарда айтилишича, имтиҳонлар карантин қоидаларига амал қилган ҳолда ўтказилиши учун барча шарт-шароитлар кўрилмоқда.
Вилоятда тест синовлари 2 та сменада ўтказилиб, 11 кунда якунига етказиш режалаштирилган.
Аввалроқ Ўзбекистон ОТМларига кириш имтиҳонларида 2 та фандан тест топшириш учун 3 соат вақт ажратилиши хабар қилинган эди.
