Қоровулбозорда пандемиянинг навбатдаги тўлқинига қарши 100 та ўрин-жой яратилади
Бухоро вилояти Қоровулбозор туманида пандемиянинг навбатдаги тўлқинига қарши 100 та ўрин-жой яратилади. Бу ҳақда туман ҳокимлик ахборот хизмати хабар берди.
![](https://teznews.uz/wp-content/uploads/2020/09/photo_2020-09-15_09-40-53.jpg)
Фото: Қоровулбозор туман ҳокимлик ахборот хизмати
Маълум қилинишича, Қоровулбозор туман ҳокими 1-сектор раҳбари Акмал Остонов, ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Шавкатжон Раҳмонов ҳамда туман тиббиёт бирлашмаси раҳбари Илҳом Бозоров иштирокида коронавирус билан касалланган беморларни даволаш мақсадида Ёшлар марказида ташкил этилган 60 та ўрин-жойни кўздан кечирди. Мазкур бинодаги 20 нуқтада марказлашган кислород линияси ўрнатилмоқда.
![](https://teznews.uz/wp-content/uploads/2020/09/photo_2020-09-15_09-40-54.jpg)
Фото: Қоровулбозор туман ҳокимлик ахборот хизмати
Туман ҳокими мазкур ўрин-жойларни 100 тага етказиш ва зарурий чораларни кўриш бўйича мутасадди ташкилот раҳбарларига топшириқлар берди.
![](https://teznews.uz/wp-content/uploads/2020/09/photo_2020-09-15_09-40-55.jpg)
Фото: Қоровулбозор туман ҳокимлик ахборот хизмати
Маълумот учун, Самарқандда тақсимлаш маркази ташкил этилгач, COVID-19 беморларини даволаб келган 5 та шифохона ўз йўналишига қайтган.
Эслатиб ўтамиз, 8 август куни Самарқанд ҳокими Эркин Турдимов Олимпия захираларини тайёрлаш мажмуасида тақсимлаш маркази ташкил этилганини маълум қилганди.
Аввалроқ Тошкент шаҳрида 4 та саралаш ва тақсимлаш марказида 1843 та ўрин бўш қолгани ҳақида хабар берилган эди. Шунингдек, Шуҳрат Ғаниев «Само» спорт мажмуасидаги тақсимлаш марказида тиббий жиҳозларни ўрнатиш жараёни билан танишган.