2022 йил МДҲ Парламентлараро Ассамблеяси мажлиси Ўзбекистонда ўтказилади
Ўзбекистон парламенти юқори палатаси раҳбари Танзила Норбоева МДҲга аъзо давлатлар Парламентлараро Ассамблеяси Кенгашининг мажлисида иштирок этди. Бу ҳақда Олий Мажлис Сенатининг ахборот хизмати маълум қилди.
Хабарга кўра, Кенгаш аъзолари 27-28 май кунлари ўтказилиши режалаштирилган IХ Нева халқаро экологик конгресси ва 13-15 октябрь кунлари бўлиб ўтадиган учинчи Евроосиё аёллар форумига тайёргарлик боришини муҳокама қилган.
Таъкидланишича, Парламент аъзолари январь ойида бўлиб ўтган сайлов кампанияларини кузатиш натижаларини ва бошқа қатор масалаларни ҳам кўриб чиқди.
Бундан ташқари, Ассамблея ҳузуридаги Иқтисодиёт бўйича эксперт кенгашининг фаолияти, Ҳамдўстликни 2030 йилгача иқтисодий ривожлантириш Стратегиясини амалга ошириш бўйича вазифалар кўриб чиқилди.МДҲ давлат раҳбарлари Кенгашининг навбатдаги мажлисини МДҲнинг юбилей саммитини Минскда ўтказиш режалаштирилгани таъкидланди.
Шунингдек, 2022 йил ноябрь ойида МДҲ ПА мажлисини Ўзбекистонда ўтказишга келишиб олинди.
