Дунёда коронавирусдан ўлиш бўйича суткалик антирекорд қайд этилди
«Worldometer» маълумотларига кўра, 16 декабрь, чоршанба куни дунёда 716 605 киши коронавирус билан касалланган, шунингдек, инфекция қурбонлари сони 13 542 тани ташкил этган.
Фото: «Reuters»
Статистикага кўра, бу кунлик ўлим бўйича янги антирекорд ҳисобланади.
Дунё бўйлаб 17 декабрь Тошкент вақти билан соат 16:30 ҳолатига кўра, коронавирусга чалинганлар сони 74 654 737 кишига етган. Беморларнинг 1 657 937 нафари вафот этган, 52 479 015 нафари соғайган. Aйни пайтда дунё бўйлаб ўлим даражаси 3 фоизни ташкил этмоқда. Ҳозирда 20 517 785 киши касалликдан даволанмоқда.
AҚШ дунёда коронавирус билан зарарланиш бўйича биринчи ўринда бормоқда. Мамлакатда 17 394 314 киши вирус юқтирган. Шунингдек, Ҳиндистон 9 951 962 нафар бемор билан иккинчи, Бразилия эса 7 042 695 бемор билан учинчи ўринда турибди.
Маълумот учун, 16 декабрь ҳолатига кўра, Ўзбекистонда коронавирус инфекцияси қайд этилганлар сони 75 538 нафарни ташкил этмоқда. Айни пайтда тиббиёт муассасаларида даволанаётган 2 116 нафар бемордан 171 нафари оғир, 33 нафари эса ўта оғир аҳволда. Ҳозирдакасалликдан соғайганлар жами 72 810 нафарга етди ва соғайиш кўрсаткичи 97 фоизни ташкил қилмоқда.
Маълумот ўрнида, SARS-CoV-2 коронавируси 2019 йилнинг декабрь ойида Хитойнинг Хубэй провинциясидаги Ухан шаҳрида аниқланган. Жаҳон соғлиқни сақлаш ташкилоти 11 март куни COVID-19 коронавирус инфекцияси тарқалишини пандемия деб эълон қилган.
