Uzbekistan Airways ва Uzbekistan Airportsʼга янги раҳбарлар тайинланди. Бу ҳақда ўз манбаларига асосланиб Gazeta.uz хабар берди.
Фото: Gazeta.uz
Хабарга кўра, бундан буён Uzbekistan Airways компаниясига Транспорт вазири Илҳом Маҳкамов, Uzbekistan Airports компаниясига эса Раъно Жўраева раҳбарлик қилади.
Бугун, 22 февраль куни Транспорт вазири лавозимига
маъқулланган Илҳом Маҳкамов Uzbekistan Airways компанияси бошқарув раиси этиб тайинланди.
2020 йилнинг октябридан бери Транспорт вазири вазифасини бажарувчи сифатида ишлаб келаётган Илҳом Маҳкамов бунга қадар вазирнинг биринчи ўринбосари бўлган.
2018 йилнинг январидан бошлаб Баҳтиёр Ҳакимов раҳбарлик қилиб келаётган Uzbekistan Airports компанияси бошқарув раиси этиб эса Раъно Жўраева тайинланди.
У 2019 йилнинг 31 мартидан бугунга қадар S7 Space МЧЖнинг бош директори лавозимида ишлаган.
