Россияда ваҳший қотиллик содир этган ўзбекистонлик аёл мамлакатдан чиқариб юборилиши маълум қилинди
2017 йил январь ойида тўрт ёшли қизчани ўлдиришда айбдор деб топилган ўзбекистонлик собиқ энага Г.Б. мажбурий даволаниши тугаганидан сўнг Россиядан чиқариб юборилади. Бу ҳақда «РИА Новости» Россия Ички ишлар вазирлигига асосланиб хабар берди.
Фото: meduza
Маълум бўлишича, Россия Ички ишлар вазирлиги 2017 йилда Г.Б.нинг Россияда қолишини номақбул деб топган.
«Даволаш тугаганидан сўнг, у Россиядан депортация қилинади», дейилади хабарда.
Қайд этилишича, 2016 йил 29 февраль эрталаб Г.Б. М. ва уларнинг тўнғич ўғли уйдан чиқиб кетишини кутган. Тахминан 9:40 да у қизалоқнинг бўйнига пичоқ билан уриб, бошини кесиб, полиетилен пакетга солган ва рюкзакка жойлаштирган. Шундан сўнг квартиранинг атрофига ёнувчан аралашмани сепиб, уйни ёқиб юборади ва таксига ўтириб, Октябрьское Поле метро бекатига йўл олади. Тахминан соат 10:00 да ўт ўчирувчилар хонадондаги ёнғинни ўчирган ва бошсиз қизалоқ жасадини топган.
Экспертиза натижаларига кўра, фуқаро Б. нима қилаётганини ўзи билмайдиган ҳолатда бўлиб, бунгача Ўзбекистонда шизофрения касаллигидан даволанган.
Таъкидланишича, РФ Жиноят кодексининг учта моддаси бўйича – 105-модда (қотиллик), 167-модда (мол-мулкни қасддан ёқиб юбориш) ва 207-модда (терроризм ҳаракати тўғрисида била туриб ёлғон хабар бериш) бўйича айбланган.
