Навоийда поезд қаровсиз юрган 3 бош туяни уриб кетди
Навоий вилояти Учқудуқ туманида поезд йўлидан чиққан 3 бош туяни уриб кетди.
Маълум бўлишича, ҳодиса соат 07:50 атрофида вилоят Тинчлик локоматив депосига қарашли теплавоз ўзига бириктирилган юк поездини Мустақиллик–Учқудуқ-1 йўналишида тортиб кетаётган вақтда содир бўлган. Темирйўлда қаровсиз юрган 3 бош туя поезд йўлига чиққан. Машинист огоҳлантирувчи сигнални чалиб, тезликни пасайтирган ва тормоз орқали теплавозни тўхтатишга уринган. Шунга қарамай, туялар йўлдан қочмагани сабаб уларни уриб кетган.
Туманда яшовчи туя эгаларига Маъмурий жавобгарлик тўғрисидаги кодекснинг 113-моддаси 2-қисмига асосан маъмурий баённома расмийлаштирилган. Поезд эса кўздан кечирилиб, соат 08:10 да ҳаракатни давом эттирган.
