«Абу Сахий» бозори ёнида автобусда ёнғин чиқди
Бугун, 26 январь куни эрталаб соат 8:15 ларда «Абу Сахий» савдо мажмуаси ёнида йўловчи ташувчи автобусда ёнғин содир бўлган.
Маълум қилинишича, ёнғин Тошкент ҳалқа йўлида катновчи 147-сонли Чорсу-Чилонзор буюм бозори йўналишидаги автобуснинг мотор қисмида қиска туташув бўлгани оқибатида келиб чиққан.
«Абу Сахий» савдо маркази ёнғин хавфсизлиги, Ички ишлар ва хавфсизлик хизмати ходимлари зудлик билан ёнғинни бартараф қилишган.
Ёнғин натижасида фуқаролар ва йўловчилардан ҳеч ким жабрланмаган.
