БМТ Хавфсизлик кенгаши Ғазода ўт очишни тўхтатишга чақирувчи резолюцияни қабул қилди

БМТ Хавфсизлик кенгаши рамазон ойида “зудлик билан ўт очишни тўхтатиш”ни талаб қилувчи резолюцияни қабул қилди.

Ҳужжат 25 март куни қабул қилинган. Унда гаровга олинганларни зудлик билан ва сўзсиз озод қилиш ҳамда Ғазога “шошилинч ёрдам оқимини кенгайтириш зарурлиги” талаб қилинган. Хавфсизлик кенгашининг 15 аъзосидан 14 таси резолюция учун овоз берган, АҚШ бетараф қолган.

Кузатувчи давлат — Фаластиннинг доимий вакили Риёд Мансурнинг айтишича, зудлик билан сулҳни талаб қилиш учун олти ой керак бўлди, бу давр мобайнида 100 000 дан ортиқ фаластинлик ўлди ва ногирон бўлди.

Уларнинг синовлари тугаши керак, дарҳол, ҳозироқ, — деди у элчиларга.

Араб гуруҳи ҳам ўт очишни тўхтатиш бўйича келишувга эришиш ҳаракатлари барча гаровга олинганларни озод қилиш чақириғига зид эмаслигини тасдиқлайди.

Исроил бош вазири Биньямин Нетаньяху АҚШнинг резолюцияга вето қўйишдан бош тортмаслиги аввалги позициясидан “аниқ чекиниш” эканини ва Исроилнинг ҳарбий ҳаракатларига ҳамда ҲАМАС томонидан ушлаб турилган 130 дан ортиқ гаровга олинганларни озод қилишга уринишларига зарар етказишини айтди.

Бизнинг овозимиз ўзгармайди ва такрор айтаман, бу бизнинг сиёсатимиздаги ўзгаришларни англатмайди. Сиёсатимизда ҳеч нарса ўзгармаган. Ҳеч нарса, — деди Оқ уй матбуот котиби Жон Кирби журналистларга.

БМТ бош котиби Антониу Гутерриш Исроилни ғазоликларга ёрдам кўрсатиш йўлидаги барча тўсиқларни олиб ташлашга ва БМТнинг Фаластин қочқинлар бўйича агентлиги UNRWA конвойларига Ғазо шимолига етиб боришига рухсат беришга чақирди.

АҚШ мазкур резолюциясини блокламагани Ғазо секторидаги операция юзасидан Вашингтон ва Исроил ўртасида келишмовчилик кучайиб бораётганидан далолат беради.

Хусусан, Америка расмийлари Ғазода тинч аҳоли қурбонлари сони ортиб бораётгани сабабли Исроилни танқид қилган. Уруш бошланганидан бери Ғазода 32 мингдан ортиқ одам ҳалок бўлган, уларнинг аксарияти аёллар ва болалардир.