Асила Мирзаёрова Токио-2020 Паралимпия ўйинларида кумуш медални қўлга киритди
Ҳамюртимиз 4.91 метр натижа кўрсатган ҳолда 2-ўринни эгаллади ва кумуш медалга сазовор бўлди. Бу ҳақда Миллий паралимпия қўмитаси хабар берди.
Бугун 27 август куни T11 классида аёллар ўртасида узунликка сакраш бўйича баҳсларда иштирок этган ўзбекистонлик Асила Мирзаёрова делегациямиз ҳисобига иккинчи медални олиб келди.
Аввалроқ, Паралимпия ўйинларида пара сузиш бўйича Ислом Асланов бронза медалини қўлга киритган эди.
