Ўзбекистонда Хусусий бандлик агентликлари фирибгарлик йўли билан ўзлаштирган маблағ миқдори маълум бўлди
Хусусий бандлик агентликлари 9338 нафар фуқародан қарийб 79,1 миллиард сўмни фирибгарлик йўли билан ўзлаштириб олган. Бу ҳақда АОКАда 27 ноябрь куни ўтказилган матбуот анжуманида маълум қилинди.
Фото: AOKA
Хабарга кўра, вазирликнинг реестридан 104 та юридик шахс рўйхатдан ўтган, улардан 75 тасига хорижда ишлаш истагидаги фуқароларни ишга жойлаштириш бўйича лицензия берилган. Ўтган давр мобайнида 55 та хусусий бандлик агентлигининг лицензияси бекор қилиниб, уларнинг сони бугунги кунда 20 тани ташкил этмоқда.
Мавзуга доир: Тўрақўрғонда ҳужжатларни сохталаштирган мансабдор 276 млн сўм мукофот пулини ўзлаштиргани аниқланди
Қайд этилишича, бугунги кунда 11 та хусусий бандлик агентлиларининг 51 нафар раҳбар ва масъул ходимларига нисбатан жиноят иши қўзғатилган.
Аввалроқ Қўшработ ва Нарпай ҳокимлари салкам 400 миллион сўмга хизмат автомобиллари харид қилгани ва ўтган 2 йилда 166 нафар банк мансабдори муҳтожларга ажратилган маблағларни талон-торож қилгани ҳақида хабар берилганди.
