Ўзбекистон Коррупцияни қабул қилиш индексида 146-ўринга кўтарилди
Ўзбекистон «Transparency International» халқаро ноҳукумат ташкилотининг Коррупцияни қабул қилиш индексида 146-ўринга кўтарилди. Бу ҳақда Адлия вазирлигининг матбуот хизмати «Tez News»га хабар берди.
Фото: «Tez News»
Хабарга кўра, Ўзбекистон Transparency International халқаро ноҳукумат ташкилотининг Коррупцияни қабул қилиш индексининг 2020 йил учун эълон қилинган нашрида 7 поғонага кўтарилган. Таъкидланишича, Ўзбекистон 2012 йилдаги 17 балл билан 170-ўринда қайд этилган. 2020 йилга келиб 26 баллга ва 146-ўринга кўтарилишга эришган.
«Мазкур ижобий ўзгаришларнинг сабаби сифатида сўнгги йилларда коррупцияга қарши курашнинг ҳам ҳуқуқий, ҳам институционал асослари мустаҳкамланаётганлиги, ушбу жиддий муаммо давлат ва жамият кун тартибида кенг муҳокама қилиниб, коррупцияга тоқатсизлик муҳити шаклланиб бораётганлигидир», дейилади хабарда.
Мавзуга доир: Инвестиция қанча бўлган? Инвестиция ва ташқи савдо вазири Марказий банк билан вазирлик рақамларидаги тафовутга изоҳ берди
Эслатиб ўтамиз, Президентнинг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси Галина Саидова Франциянинг «La Tribune» нашрида эълон қилинган «’Узоқ Шарқ’да коронавирусдан кейинги тикланиш йўлидаги ислоҳотлар» мақоласида Ўзбекистонда коррупцияга қарши курашиш агентлиги тузилгани ҳақида ҳам маълумот бериб, унга ўз муносабатини билдирган эди.
