Қашқадарёда «Labo» ва «Mersedes-Benz» тўқнашувида икки киши вафот этди
7 октябрь куни Қашқадарё тумани Ғузор туманида «Labo» ва «Mersedes-Benz» иштирокида автоҳалокат содир бўлди, оқибатда 2 киши ҳалок бўлди. Бу ҳақида вилоят ИИББ хабар берди.
Ҳодиса соат 14:20 ларда Қоратикан маҳалласи ҳудудидан ўтувчи йўлда содир бўлган. Ҳайдовчи Б.Т. бошқарувидаги «Mersedes-Benz» автомобили қаршисидан келаётган ҳайдовчи Қ.С. бошқарувидаги «Labo» билан тўқнашган.
Оқибатда «Labo» ичида бўлган 2 нафар фуқаро воқеа жойида ҳалок бўлган.
Ҳолат юзасидан Жиноят кодексининг 266-моддаси 3-қисми (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўатилиб, тергов ҳаракатлари олиб борилмоқда.
