Айрим дори воситалари давлат рўйхатидан ўтказмасдан қўлланади

Соғлиқни сақлаш вазирининг буйруғи билан Ўзбекистонда давлат рўйхатидан ўтказмасдан, мажбурий сертификатлаш шарти билан тиббиёт амалиётида қўллаш ва олиб киришга рухсат бериладиган, давлат рўйхатидан ўтказилган аналоглари мавжуд бўлмаган дори воситалари ва тиббий буюмлар рўйхати тасдиқланди.

Рўйхат президентнинг «Аҳолини сифатли дори воситалари ва тиббий буюмлар билан таъминлаш юзасидан қўшимча чора-тадбирлар тўғрисида»ги ҳамда «Тиббиёт муассасаларини фармацевтика маҳсулотлари ва тиббий жиҳозлар билан таъминлаш тизимини такомиллаштириш чора-тадбирлари тўғрисида»ги қарорларига мувофиқ ишлаб чиқилган ва 34 дори воситаси ҳамда 117 тиббий буюмни ўз ичига олади.

Ҳужжат қонун ҳужжатлари маълумотлари миллий базасида эълон қилинган ва 12.03.2025 йилдан кучга кирди.