Қашқадарё вилоятида газ қувурида ёнғин содир бўлди
Қашқадарё вилоятининг Нишон туманида, газнинг қувурдан сизиб чиқиши натижасида ёнғин содир бўлди. Бу ҳақда Энергетика вазирлиги матбуот хизмати хабар берди.
Маълум қилинишича, ёнғин соат 11:35 да Ширинобод конида қудуқлар орасидаги диаметри 426 мм бўлган қувурдан газ сизиб чиқиши оқибатида бошланган.
Ҳозирги вақтда ёнғин тўлиқ бартараф этилиб, таъмирлаш ишларига киришилган, дейилади хабарда.
Шунингдек, ҳодиса сабабли жароҳатланганлар йўқлиги маълум қилинди.
