Фарғонада портлаш содир бўлган заправка бузилмоқда
Фарғона шаҳри Аҳмад Яссавий кўчасидаги портлаш содир бўлган автомобилларга пропан ва бензин қуйиш шохобчаси бузилмоқда. Бу ҳақида Фавқулодда вазиятлар бошқармаси хабар бермоқда.
Қайд этилишича, заправка шохобча раҳбарининг ўз хоҳиш истагига кўра бузилмоқда ва у қайта фаолият кўрсатмайди.
Бунинг асосий мақсади аҳоли ва ҳудудларни фавқулодда вазиятлардан муҳофаза қилиш ҳамда келгусида содир бўлиши мумкин бўлган фавқулодда вазиятларнинг олдини олиш, — дейилади хабарда.
Аввалроқ, Фарғонадаги заправкани ёнғин чиққани ва қурбонлар ҳақида хабар берган эдик.
