Ўзбекистонда «Vodafone» компанияси иштирокида янги уяли алоқа оператори пайдо бўлади
Ўзбекистонда Британиянинг «Vodafone» ва Финландиянинг «Nokia» компаниялари иштирокида янги уяли алоқа оператори ташкил этилиши режалаштирилмоқда, деди тадбиркор Фарҳод Маматжонов Нукусда президент билан учрашувда.
Биз янги соҳада лойиҳа бошладик. Сиз кечаги йиғилишда рақамлаштириш ҳақида гапирдингиз. Яшин тезлигида ишлаш учун бизга яшин тезлигида интернет керак. Сиз хорижий брендни жалб қилиш бўйича кўрсатмалар бердингиз. Биз дунёдаги энг машҳур компаниялардан бири – Британиянинг «Vodafone» компанияси билан биргаликда Ўзбекистонда 5G Standalone мобил алоқасини йўлга қўйиш бўйича ишларни бошладик, — деди Фарход Маматжонов Президентга.
Унинг сўзларига кўра, лойиҳа 2025 йилда ишга туширилиши режалаштирилган. Инвестициялар ҳажми 250 миллион еврони ташкил этади. Афтидан, «Vodafone» хусусийлаштирилган Perfectum негизида яратилган маҳаллий компания билан ҳамкорлик қилади. Тадбиркор лойиҳани амалга оширишда яна бир ҳамкор сифатида Uzcard компаниясини кўрсатди.
Шунингдек, Финляндиянинг Nokia компанияси томонидан зарур жиҳоз ва технологиялар етказилиб берилиши маълум қилинди.
