Ўзбекистонга яна 1 миллион доза вакцина олиб келинди

Ўзбекистонга яна 1 миллион доза ZF-UZ-VAC2001 вакцинаси олиб келинди. Бу ҳақда ССВ матбуот хизмати хабар бермоқда.

Фото: ССВ матбуот хизмати

Хабарга кўра, 29 июнь куни яна 1 миллион доза ZF-UZ-VAC2001 вакцинаси олиб келинган. Бу ушбу вакцинанинг юртимизга келтирилган 6-партияси бўлиб, бундан аввал ZF-UZ-VAC2001нинг:

• 27 мартда — 1 миллион доза,
• 27 апрелда — 1 миллион доза,
• 18 майда — 1 миллион доза,
• 19 майда — 500 минг доза,
• 10 июнда — 1 миллион доза партиялари келтирилган.

Қайд этилишича, Ўзбекистоннинг вакцина захираси 6,4 миллион дозага етмоқда. Айни пайтга қадар шундан 3,4 миллион дозадан ортиғи вакцинация жараёнларида қўлланилди.

Шунингдек, 30 июнь куни эртага ZF-UZ-VAC2001нинг яна 1 миллион дозаси келтирилиши кутилмоқда.

Аввалроқ, Ўзбекистонга яна 1 миллион доза ZF-UZ-VAC2001 вакцинаси олиб келинган эди.