Охирги сутка давомида дунёда COVID-19’дан 10 мингдан ортиқ беморлар вафот этди
ЖССТ маълумотларига кўра, охирги сутка давомида дунёда COVID-19 дан 12 мингга яқин бемор вафот этди. Бу ҳақда Ўзбекистон ССВ Жамоатчилик билан алоқалар бўлими раҳбари Фурқат Санаев хабар бермоқда.
Фото: Getty images
Хабар берилишича, 31 январь Европа вақти билан соат 16:03 ҳолатига дунёда коронавирус инфекциясини юқтирганлар сони 102 миллион 83 мингдан ортиқни ташкил этмоқда, шундан 2 миллион 209 мингдан зиёд киши вафот этган.
Охирги сутка давомида дунёда коронавирус инфекцияси билан касалланишнинг 501 930 янги ҳолати аниқланган бўлиб, 11 986 нафар бемор вафот этган.
Жонс Хопкинс университетининг ҳозирги (01.02.2021 йил Тошкент вақти билан соат 10:22 ҳолати) маълумотларига кўра, дунёда касалликни 102 миллион 964 мингдан зиёд одам юқтирган, улардан 2 миллион 227 мингдан ошиғи вафот этган.
Шунингдек, ЖССТ маълумотларига кўра, бир сутка давомида АҚШда 164 415, Ҳиндистонда 13 052, Бразилияда 59 826 та янги касалланиш ҳолати аниқланган.
Маълумот учун, касаллик тасдиқланган ҳолатлар бўйича АҚШ биринчи ўринда турган бўлиб, ушбу мамлакатда 25,676 миллиондан ортиқ коронавирус инфекциясини юқтирганлар аниқланганлигини ЖССТ тасдиқлаган.
Иккинчи ўринда Ҳиндистон (10,746 миллиондан ортиқ), учинчи ўринда Бразилия (9,118 миллиондан ортиқ).
Мавзуга доир:
