Талабалар турар жойига ҳужжатларни қабул қилиш бошланди
Ягона давлат хизматлари портали матбуот хизмати ётоқхоналардан жой беришда фуқароларнинг қайси тоифаларига устувор аҳамият берилаётганини маълум қилди.
2024/2025 ўқув йили учун талабалар турар жойига ариза топшириш жараёни 1 августдан старт олди. Аризаларни my.gov.uz орқали бепул юборишингиз мумкин.
Шунингдек ётоқхона билан таъминлашда фуқароларнинг қуйидаги тоифаларига устуворлик берилиши ҳабар қилинди:
• меҳрибонлик уйлари тарбияланувчилари, етим ва ота-она қарамоғидан маҳрум бўлганлар;
• ижтимоий ҳимояга муҳтож оилалар фарзандлари («Темир дафтар», «Аёллар дафтари», «Ёшлар дафтари»);
• ногиронлиги бўлган талабалар;
• бир оиладан икки ва ундан ортиқ тўлов-контракт асосида ўқийдиганлар;
• фан олимпиадалари ғолиблари;
• «йил талабаси» ва бошқа танловлар ғолиблари;
• талабалар турар жойида фаол талабалар (масалан, талабалар кенгаши раиси ёки қават сардори).
Қайд этилишича, 2024/2025 ўқув йилида олий таълим муассасаларининг 1-курсига ўқишга кириш учун тавсия этилган абитуриентлар якуний натижалар эълон қилинганидан кейин ҳужжат топширишлари мумкин.