Мутахассис коронавирусга қарши эмлашннинг таъсирларини маълум қилди
Россия Соғлиқни сақлаш вазирлигининг терапия ва умумий тиббий амалиёт бўйича бош штатдан ташқари мутахассиси Оксана Драпкина «Саломатлик» дастурига берган интервьюсида коронавирусга қарши эмлашннинг таъсирларини маълум қилди. Бу ҳақда ТАСС ахборот агентлиги хабар бермоқда.
Маълум қилинишича, COVID-19’га қарши эмлашнинг ножўя таъсири гриппга ўхшаш аломатлар бўлиши мумкин.
«COVID’га қарши эмлашдан сўнг гриппга ўхшаш аломатлар бўлиш мумкин. Жумладан, заифлик, озроқ оғриқлар, ухлашга мойиллик ёки уйқучанлик»,- дейди Оксана Драпкина.
Таъкидланишича, ҳарорат қисқа вақтгача кўтарилиши бунга озгина совуқлик ҳам қўшилиши мумкин. Аммо буларнинг ҳаммаси одатда бир кунда ўтиб кетади.
Драпкинанинг сўзларига кўра, кўпинча коронавирусга қарши эмланган одамларда ҳарорат 38 даражадан ошмайди.
«Агар у 38 дан юқори бўлса, биз паратсетамол таблеткасини ичишни тавсия этамиз. Қўрқадиган ҳеч нарса йўқ», — деб ишонтирди Оксана Драпкина.
Маълумот учун, пандемия бошланганидан бери дунёда 103 миллионга яқин одам коронавирус билан касалланган бўлиб, 2,2 миллиондан копроқ инсон вафот этган.
Мавзуга доир:
COVID-19’дан соғайган беморлар яна 90 кун вирус тарқатувчи бўладими? Мутахассис жавоб берди.
Aндижонда COVID-19’га тест олинган 25 минг ўқитувчидан 52 нафарида вирус аниқланди.
