Самарқанд ва Каттақўрғон туманларида икки МЧЖ раҳбарлари бир неча юз миллион сўмни ноқонуний равишда сарфлаб юборганликлари маълум бўлди

Самарқанд ва Каттақўрғон туманларида икки МЧЖ раҳбарлари қарийб бир миллиард сўмни талон-тарож қилганликдари аниқланди. Бу ҳақда EuroAsiya хабар бермоқда.

Маълум бўлишича, Самарқанд туманидаги 24-сонли умумий ўрта таълим мактабида «F.» МЧЖ томонидан амалга оширилган ишлар текширувдан ўтказилган.

Текширув натижасида, ушбу жамият раҳбарлари смета ҳужжатларида кўрсатилган қурилиш-монтаж ишларини амалда тўлиқ бажармасдан, маълумотларни қўшиб ёзиш орқали 631,7 млн сўм бюджет маблағларини талон-торож қилганликлари аниқланган.

Бундан ташқари, Каттақўрғон туманидаги учта маҳаллада қурилган сув чиқариш иншоотида «N.» МЧЖ томонидан амалга оширилган ишлар ўрганилган.

Ушбу ўрганиш натижасида, жамият раҳбарлари смета ҳужжатларида кўрсатилган қурилиш-монтаж ишларини амалда тўлиқ бажарилмасдан, маълумотларни қўшиб ёзиш орқали 240,5 млн сўм бюджет маблағларини талон-торож қилганликлари аниқланган.

Шундан сўнг, мазкур ҳолатлар юзасидан МЧЖ мансабдор шахслари ва бошқаларга нисбатан ЖКнинг 167-моддаси 3-қисми билан жиноят ишлари қўзғатилиган.

Ҳозирда ушбу ҳолатлар бўйича тергов ҳаракатлари олиб борилмоқда