Ғиждувонда илк давлат боғчаси анъанавий фаолиятини бошлади
Бухоро вилояти Ғиждувон туманида 2 октябрь, жума куни биринчи давлат боғчаси анъанавий фаолиятини бошлади. Бу ҳақда туман ҳокимлиги ахборот хизмати хабар берди.
Фото: Ғиждувон туман ҳокимлиги ахборот хизмати
Маълум бўлишича, тумандаги 2418 нафар боғча ходими COVID-19 вируси учун СЭОМ ходимлари томонидан тестдан ўтказилган. Текширишлар оқибатида мактабгача таълим соҳасида фаолият кўрсатиб келаётган ишчи-ходимларда COVID-19 вируси аниқланмаган.
Фото: Ғиждувон туман ҳокимлиги ахборот хизмати
Хабарга кўра, тумандаги «Дегрезон» маҳалласи Дегрезон кўчаси 28-уйда жойлашган 8-давлат боғчаси 2 октябрь куни СЭОМ хулосасига асосан болалар қабулини бошлаган. Пандемиядан кейин илк кунда боғчанинг битта катта гуруҳига 10 нафар бола қабул қилинган.
Фото: Ғиждувон туман ҳокимлиги ахборот хизмати
Фото: Ғиждувон туман ҳокимлиги ахборот хизмати
Фото: Ғиждувон туман ҳокимлиги ахборот хизмати
Фото: Ғиждувон туман ҳокимлиги ахборот хизмати
Аввалроқ Ромитанда 12 миллиард сўмга қурилган боғча, Ургутда салкам 3,5 миллиард сўмга қурилган хусусий боғча фойдаланишга топширилгани хабар қилинган эди.
