Ромитанда 150 ўринли хусусий боғча фойдаланишга топширилди (фото)
Бухоро вилояти Ромитан туманида янги боғча фойдаланишига топширилди. Бу ҳақда вилоят мактабгача таълим бошқармаси ахборот хизмати «Tez News»га хабар берди.
![](https://teznews.uz/wp-content/uploads/2020/10/photo_2020-10-02_19-28-21.jpg)
Фото: Бухоро вилоят мактабгача таълим бошқармаси ахборот хизмати
Таъкидланишича, Ромитан туманида 31 та давлат, 7 та давлат хусусий шериклигидаги, 32 та оилавий нодавлат мактабгача таълим ташкилоти фаолият кўрсатади. Улар сафига «Урганжиён» маҳалласида замонавий лойиҳа асосида барпо этилган давлат хусусий шериклигидаги икки қаватли «Сарвиноз-2018» нодавлат мактабгача таълим ташкилоти ҳам қўшилган.
![](https://teznews.uz/wp-content/uploads/2020/10/photo_2020-10-02_19-28-18.jpg)
Фото: Бухоро вилоят мактабгача таълим бошқармаси ахборот хизмати
Маҳалла фаоллари ва ота-оналар иштирок этган тадбирда туман мактабгача таълим бўлими мудири Дилафрўз Нурова барчани ана шундай замонавий иншоот билан табриклаб, болалар учун яратилган шарт-шароит хусусида тўхталди.
![](https://teznews.uz/wp-content/uploads/2020/10/photo_2020-10-02_19-28-19.jpg)
Фото: Бухоро вилоят мактабгача таълим бошқармаси ахборот хизмати
Мазкур муассасада 150 нафар бола тарбияланади. «Сарвиноз-2018» нодавлат хусусий боғчани қуриш ва жиҳозлаш мақсадида тижорат банкининг қўллаб-қувватлаши билан 3 миллиард 762 миллион сўм маблағ ўзлаштирилган.
![](https://teznews.uz/wp-content/uploads/2020/10/photo_2020-10-02_19-28-16.jpg)
Фото: Бухоро вилоят мактабгача таълим бошқармаси ахборот хизмати
Натижада иншоотда фаолият юритадиган 6 та ёш гуруҳидаги болалар учун машғулот ва ўйин хоналари, ошхона, мусиқа зали, услубхона, руҳшунос, жисмоний тарбия йўриқчиси хоналари алоҳида жиҳозланган.
![](https://teznews.uz/wp-content/uploads/2020/10/photo_2020-10-02_19-28-13.jpg)
Фото: Бухоро вилоят мактабгача таълим бошқармаси ахборот хизмати
![](https://teznews.uz/wp-content/uploads/2020/10/photo_2020-10-02_19-28-08.jpg)
Фото: Бухоро вилоят мактабгача таълим бошқармаси ахборот хизмати
Aввалроқ Ромитанда 210 ўринли янги мактаб биноси фойдаланишга топширилгани ҳақида хабар берилганди.