Тошкентда келин қайнонасини 20 маротаба пичоқлади

Тошкент вилоятида келин қайнонасини 20 маротаба пичоқлади.

Қайд этилишича, кечқурун соат 03:00 да келин қайнонаси ухлаётган хонага кириб, унга 20 маротаба пичоқ урган. Гувоҳларнинг сўзларига кўра, келин ушбу жиноятни содир этиш учун уй ертўласидан оила аъзолари ухлашини 9 соат давомида кутган. Шундан сўнг, у қўлига тиббиёт қўлқопини кийиб, махсус пичоқда қайнонасини пичоқлаган.

«Менга 20 маротабадан кўп пичоқ урди, агар уйғонмаганимда аниқ мени ўлдирарди. Мен унга қаршилик кўрсатдим, лекин у тўхтамасдан менга пичоқ урди. Ҳозир битта қўлим умуман ишламаяпти, лекин келиним ҳали ҳам озодликда», дейди қайнона.

Жабрланувчининг қизига кўра, келин руҳий жиҳатдан соғлом бўлган.

«Онамни 20 маротаба пичоқлаган келин кейинчалик келиб яна кимнидир пичоқламаслигига ким кафолат беради. Билишимизча, у ҳозир ҳам озодликда юрибди», дейди жабрланувчининг қизи.

Оила-аъзоларининг сўзларига кўра, мазкур ҳолатга келин ва қайнона ўртасидаги низоли ҳолатлар сабаб бўлган.

Тошкент вилояти Ички ишлар бош бошқармасига кўра, ушбу ҳолат юзасидан Жиноят кодекснинг 109-моддаси билан жиноят иши қўзғатилган. Ҳозирда тергов ҳаракатлари олиб борилмоқда.