Пуэрто-Рикода обсерваториянинг 305 метрлик телескопи қулаб тушди
Пуэрто-Рикода дунёдаги энг йирик астрономик обсерваториялардан бири — «Aреcибо»нинг 305 метрлик телескопи қулаб тушди. Бу ҳақда AҚШ Миллий илмий жамғармаси матбуот хизмати хабар берди.
«Aреcибо» обсерваториясининг қулаган телескопи
Фото: «nsf.gov»
Маълумотларга кўра, «Aреcибо» обсерваториясидаги 305 метрлик телескопнинг инструментал платформаси 1 декабрь тонгида қулаб тушган. Ҳодиса оқибатида антенна ва атрофдаги нарсалар шикастланган. Миллий илмий жамғарма матбуот хизматининг аниқлик киритишича, қулаш натижасида ҳеч ким жабрланмаган. Ҳозирда мутахассислар иншоот қулашидан келиб чиқадиган зарар ва юзага келиши мумкин бўлган экологик хатарларни ўрганмоқда.
Aмерика метеорологик жамияти аъзоси ва тележурналист Дебора Марторелл Twitter’да қулаб тушишдан олдин ва кейин телескоп акс этган иккита фотосуратни тақдим этган. Унинг сўзларига кўра, улардан бири 30 ноябрда, иккинчиси эса 1 декабрда суратга олинган.
Фото: Twitter/ @DeborahTiempo
Айтилишича, телескоп структурасининг бузилиши 2020 йил августида бошланган. Кейин антеннани тешиб қўйган ёрдамчи кабеллардан бири узилиб тушишни бошлаган. Бир неча ой ўтгач, платформани ушлаб турган асосий кабеллардан бири ҳам қулаб тушган. Обсерватория қулаши телескопнинг тузилишини ўта беқарор ҳолга келтирганини ва таъмирлаш ишчилар учун хавф туғдиришини аниқланиб, расадхона ишини тўхтатишга қарор қилинган. Осмонни кузатиш эса 20 ноябрда тўхтатилган.
