Telegram’да хавфсизликнинг жиддий заифлиги аниқланди

Telegram мессенжеридаги «Яқин атрофдаги одамлар» функцияси (яқин атрофдаги фойдаланувчиларни қидириш ва танишишга ёрдам беради) фойдаланувчининг аниқ жойлашуви ва шахсий аккаунтини махсус рухсатларсиз ҳам билиб олишга имкон беради. Бу эса бевосита профилларнинг хавфсизлик қоидаларига зид, деб хабар бермоқда «Лайфхакер».

Фото: «politico»

Функция 12 километргача масофада ишлайди. У орқали шу масофадаги энг яқин максимал 100 кишини бир неча дақиқада қидириб топиш мумкин. Бунинг учун, албатта, сиз ва бошқаларнинг жойлашув ўрни телефонда ёқилган бўлиши керак.

Скрин: «Tez News»

Ушбу хизматни синаб кўрган муаллиф керакли фойдаланувчининг масофасини ёзган. Кейин бу координаталарни Google Earth Pro’га киритган. Telegram’дан олинган радиусларни айланиб чиқиб, айни кўрсатилган жойга тўғри етиб борган. Муаллиф ушбу фойдаланувчи билан таниш бўлганлиги сабабли у Telegram ёрдамида аниқлаган ҳудуд ростдан ҳам тўғри эканига амин бўлган.

Скрин: «Tez News»

Аммо фойдаланувчилар геолокациясини кўринмайдиган қилиб қўйиши мумкин. Бунинг учун мессенжерда «Контактлар» ёрлиғи → «Яқин атрофдаги одамларни топиш» → «Мени кўрсатма»ни ёқиш керак бўлади.

Аввалроқ дунё бўйлаб Telegram мессенжери ишламай қолгани ҳақида хабар берилган эди.