Ўзбекистоннинг Истанбулдаги бош консули ўз вазифасини бажаришга киришди
Ўзбекистоннинг Истанбулдаги бош консули этиб тайинланган Амирсаид Аъзамхўжаев 4 декабрь куни ўз вазифасини бажаришга киришди. Бу ҳақда «Дунё» хабар берди.
Фото: «Reuters»
Ўзбекистон элчихонаси хабарига кўра, Амирсаид Аъзамхўжаев Бош консулхона раҳбари сифатида Туркия Ташқи ишлар вазирлигининг консуллик экзекватурасини олган.
Янги бош консул 1985 йилда Тошкент шаҳрида туғилган. У Ўзбекистон Ташқи ишлар вазирлиги Консуллик-ҳуқуқий департаментида ва Истанбулда консул бўлиб ишлаган.
Мавзуга доир: Қишлоқ хўжалиги вазири Жамшид Хўжаев БМТ ФАО ташкилотининг минтақавий бошқарув органига раис этиб сайланди
Аввалроқ Ташқи ишлар вазирлиги Туркияга бормоқчи бўлган ўзбекистонликларга мурожаат қилгани ҳақида хабар берилганди. Унга кўра, 2020 йил сентябрь ойидан Тошкент—Истанбул—Тошкент йўналиши бўйича мунтазам рейслар тиклангандан сўнг Ўзбекистонга қайтаётганларнинг ПЗР-тест таҳлили натижаси баъзи ҳолатларда ижобий чиқаётгани аниқлан.
Шунингдек, Ташқи ишлар вазирлиги Туркияга бормоқчи бўлган ўзбекистонликларни огоҳлантиргани ҳақида хабар берилганди.
