ЖССТ Covid-19 вакциналари бепуштликка олиб келиши мумкинлиги ҳақидаги тахминларни «миш-мишлар» сифатида рад этди

Женевада 7 февраль куни ЖССТ иммунизация бўлими раҳбари Кейт О’Брайен коронавирусга қарши эмлашлар инсон ДНКсининг ўзгаришига олиб келиши мумкинлиги ҳақидаги таклифларни ва Covid-19 вакцинаси бепуштлик келтириб чиқариши мумкинлиги ҳақидаги тахминларни «миш-мишлар» сифатида рад этди.

Фото: «ТАСС»

«Биз эмлаётган вакциналар бепуштликни келтириб чиқара олмайди, бу турли хил вакциналар атрофида тарқалган миш-мишлар ва бу миш-мишлар ҳақиқат эмас, бепуштликни келтириб чиқарадиган битта вакцина йўқ», – дейди у.

О’Брайен, шунингдек, коронавирусга қарши эмлашлар инсон ДНКсининг ўзгаришига олиб келиши ва таркибидаги кимёвий моддалар соғликка зарар этказиши мумкинлиги ҳақидаги таклифларни рад этди. Шунингдек унинг сўзларига кўра ЖССТда мавжуд бўлган вакциналар хавфсиздир ва вакциналарнинг барча таркибий қисмлари «қатъий синовдан ўтганлигини» таъкидлади.

«Вакциналар бир нечта турли хил элементларга эга, аммо уларнинг ҳар бири синовдан ўтказилади», – деб тушунтирди ЖССТ бўлими раҳбари.

Дори-дармонлар аввал ҳайвонлар устида синовдан ўтказилади ва «ҳар қандай турдаги муаммолар учун синовдан ўтказилади». Шундан сўнг, клиник синовлар ўн минглаб одамлар иштирокида ўтказилади ва шундан кейингина вакциналардан кенг аҳолини иммунизация қилиш учун фойдаланиш мумкин.

«Хавфсизлик клиник синовларнинг энг муҳим қисмидир. Ҳар бир вакцина хавфсизликни баҳолайди», деди О’Брайен ва фармацевтика ишлаб чиқариш жараёни барча таркибий қисмлар «инсон учун энг юқори сифатли ва хавфсиз» бўлишини таъминлаш учун назорат қилинишини айтди.