Халқ таълими вазирлиги пандемия шароитида мактабларга кириб-чиқиш тартибини маълум қилди
Халқ таълими вазирлиги карантин қоидаларига риоя қилган ҳолда мактабларга кириб чиқиш тартибини ишлаб чиқди. Бу ҳақда вазирликнинг ахборот хизмати хабар берди.
Унга кўра, ўқувчиларни мактабларга карантин қоидаларига риоя қилган ҳолда кириб чиқиш тартиби 1 ёки 2-сменда ўқишларидан келиб чиқиб йўлга қўйилади.
Бинодаги ўқувчилар ҳаракати ва доимий равишда тиббий ниқобларда бўлиши эса фан ўқитувчилари томонидан назорат қилинади.
Мактабларга кириб-чиқиш қоидалари билан Сергели туманидаги 330-мактаб ҳамда Бекобод туманидаги 40-мактаб мисолларида батафсил кўрсатилган.
Аввалроқ Пешку ва Ромитандаги 6 та мактабда, Фарғонада 19 та мактабда синов тариқасида дарс жараёнлари бошлангани хабар қилинган эди.