Chevrolet дунёнинг энг ишончли автомобиль ишлаб чиқарувчилар ТОП 5-талигига кирди
J.D. Power агентлиги томонидан мазкур рейтинг эълон қилинди.
J.D. Power агентлигининг маълумотига кўра, Ўзбекистонда ишлаб чиқарилаётган автобрендлардан орасидан фақат «Chevrolet» дунёдаги энг ишончли автомобиль ишлаб чиқарувчилари рейтингига киритилган.
35 йилдан буён олиб борилаётган тадқиқот тўққизта асосий автомобиль тоифалари бўйича 184 ўзига хос муаммоли соҳаларини қамраб олади: иқлим; ҳаракат пайтидаги ёрдам; ҳайдовчи тажрибаси; экстерер (ташқи кўриниш); функциялар / бошқарув элементлари / дисплейлар; мультимедиа тизими (ахборот-кўнгилочар тизим); интерьер (салон ички қисми); қувват блоки; ва ўриндиқлар.
Энг юқори баҳоланган брендлар
Рейтингнинг энг юқори поғонасидан «Lexus premium» бренди ва оммавий сегментдаги «Toyota» бренди ўрин эгаллаган. Брендлар рейтингини фақат оммавий сегментда ҳисобга оладиган бўлсак, «Buick» бренди иккинчи ўринда, «Chevrolet» ва MINI эса учинчи ўринни эгаллаб, бозоримиздаги барча машҳур брендларни ортда қолдирди.
Мутахассисларнинг таъкидлашича, Chevrolet автомобиллари уч йиллик эксплуатациядан кейин ҳам мустаҳкам ва ишончли бўлиб қолади, бу эса ишлаб чиқарувчининг моделларида сифат ва хавфсизлик энг юқори ўринда туришидан далолат беради.
Ушбу ютуқ нафақат бренд маҳсулотлар сифати, балки ўз мижозлари учун хавфсизлик ва узоқ муддатли ишончлиликни таъминлашга чуқур содиқлигининг кўрсаткичидир.
Бундан ташқари, General Motors Buisk Encore, Chevrolet Eqiunoх, Chevrolet Traverse ва Chevrolet Tahoe учун тўрт сегмент мукофотини олди.
Бугунги кунда, автомобиль кундалик ҳаётнинг ажралмас қисмига айланиб улгурганини ҳисобга олсак, ишончлилик транспорт воситасини танлашда энг асосий омиллардан бирига айланди. Chevrolet дунёдаги энг яхши 5 та ишончли автомобиль брендлари орасида муносиб ўрин эгаллаган ҳолда, узоқ йиллар давомида ҳар қандай шароитда ишонишингиз мумкин бўлган автомобилларни ишлаб чиқаришни кафолатлайди.
* J.D. Power — истеъмолчи фикрлари, консультация хизматлари, маълумотлар ва таҳлиллар бўйича жаҳон лидери. Истеъмолчиларнинг хатти-ҳаракатларини тушуниш учун кўп ахборотлар, сунъий интеллект (АИ) ва алгоритмик моделлаштириш имкониятларидан фойдаланишда ташаббускор бўлган J.D. Power 50 йилдан ортиқ вақт давомида мижозларнинг брендлар ва маҳсулотлар тўғрисидаги қарашлари борасида аниқ маълумотларни тақдим этиб келади. Йирик соҳалардаги жаҳоннинг етакчи компаниялари мижозларни жалб қилиш стратегияларини кучайтириш учун J.D. Power’га таянишади.
