Бухорода аёл Россиядаги ерига жаҳл қилиб, икки қизини калтаклади
Яқинда ижтимоий тармоқларда аёл икки қизини калтаклагани акс этган видео тарқалди. Вазиятга болалар омбудсмани идораси изоҳ берди.
Воқеа 9 июль куни Бухоро вилоятининг Жондор туманида содир бўлган. Аниқлик киритилишича, фуқаро И.М. Россияда ишлаб юрган турмуш ўртоғидан ўч олиш мақсадида (2020 ва 2021 йилларда туғилган) қизларини калтаклаган.
Аёлнинг турмуш ўртоғи бир неча йилдан буён хорижда ишлаб келган. Эри болалари билан қизиқмагани ва этарли миқдорда пул юбормагани учун, аёлнинг жаҳли чиқган. Шундан сўнг у ерига жаҳл қилиб, болаларини калтаклаган ва бу жараённи видеога олиб, эрига юборган, дейилади хабарда.
Бухоро вилояти ички ишлар бошқармаси хабарига кўра, мазкур ҳолат юзасидан терговга қадар текширув ҳаракатлари олиб борилмоқда. Қизларга етказилган жароҳатларнинг оғирлигини аниқлаш учун суд-тиббий экспертиза тайинланган.
