Бухоролик ўқувчи бир вақтнинг ўзида 5 та хорижий олийгоҳга талабаликка қабул қилинди
Бухоро вилояти Қоракўл туманидаги Халқаро математика мактаби битирувчиси Улуғбек Раҳмонов бир пайтнинг ўзида 5 та хорижий олийгоҳга талабаликка қабул қилинди. Бу ҳақида вилоят ҳокимлиги матбуот хизмати хабар берди.
Фото: Бухоро вилояти ҳокимлиги матбуот хизмати
Маълум қилинишича, қоракўллик мактаб битирувчиси қуйидаги хорижий олийгоҳларга талабаликка қабул қилинган:
- British Management University — Business Management;
- Management Development Institute of Singapore — Business;
- Cambridge International College — Business Administration;
- International Management Institute in Central Asia — Business Studies;
- Webster University in Tashkent — Business Administration.
Аввалроқ наманганлик 2 ўқувчи бир вақтнинг ўзида 10 дан ортиқ олийгоҳларга, бухоролик яна бир мактаб битирувчиси 4 та хорижий ОТМга грант асосида қабул қилинган эди.
