Самарқандда 31 нафар коронавирусга чалинган бемор соғайди

Самарқанд вилоятида 16 август соат 23:30 ҳолатига кўра, коронавирус инфекцияси қайд этилган 31 нафар бемор тузалди. Вилоятда соғайганлар 1319 нафарга етди.

Шунингдек, Тошкент шаҳрида 625 нафар, Тошкент вилоятида 216 нафар, Бухоро вилоятида 15 нафар, Қорақалпоғистонда 12 нафар, Сирдарё вилоятида 11 нафар, Навоий вилоятида 8 нафар, Андижон вилоятида 5 нафар, Қашқадарё вилоятида 4 нафар, Фарғона вилоятида 3 нафар бемор коронавирусдан соғайди.

Шу билан бирга, Ўзбекистонда 30 973 нафар коронавирус инфекциясига чалинган фуқаро (87 фоиз) соғайган. 4124 нафар беморга шифокорлар томонидан белгиланган стандартлар бўйича даво чоралари кўрилмоқда. 813 нафари оғир, 234 нафари эса ўта оғир аҳволда.

Маълумот учун, 16 август куни Ўзбекистонда 628 ҳолатда касаллик қайд этилди, 6 нафар бемор вафот этди. коронавирус инфекцияси қайд этилганлар сони 35 329 (+220) нафарни ташкил этмоқда.