Коронавирусга қарши «Спутник V» вакцинаси йўриқномасида жиддий огоҳлантириш пайдо бўлди
Коронавирусга қарши «Спутник V» вакцинасини қўллаш бўйича янги огоҳлантириш саратонга чалинган беморларга тегишли. Бундай одамлар «Гам-КОВИД-Вак» вакцинасини қўллаш бўйича кўрсатмаларнинг янги таҳририга биноан эҳтиёткорлик билан фойдаланишлари керак, деб хабар беради «РИА Новости».
Фото: «РИА Новости»
Таъкидланишича, ушбу огоҳлантириш вакцинанинг саратон касаллигига таъсири ҳақида маълумот етарли эмаслиги билан боғлиқ. Кўрcатмада иммунитет тизимини рағбатлантириш касалликнинг кучайишига олиб келиши мумкинлиги айтиб ўтилган.
Маълумот учун, «Спутник V» дунёда биринчи бўлиб рўйхатдан ўтган коронавирусга қарши вакцинасидир. Унинг самарадорлиги 90 фоиздан юқори деб баҳоланган. Мутахассислар бу вакцина билан эмлангандан сўнг дарҳол спорт билан шуғулланмаслик ва танани бошқа жисмоний стрессларга туширмаслик кераклигини айтган. Шунингдек, вакцина қабул қилгач, спиртли ичимликларни ичмаслик тавсия этилади.
Аввалроқ «Спутник V» вакцинаси COVID-19’нинг оғир формасига қарши 100 фоиз самарадорлик кўрсатгании ҳақида хабар берилган эди. Шунингдек, ўзбекистонликлар Россияга киришда «Спутник V» вакцинаси билан эмланаётгани ҳақидаги хабарларга изоҳ берилган.
