Ўзбекистонда дам олиш кунларида қор ёғиши кутилмоқда
«Ўзгидромет» 26 январдан 28 январга қадар республика ҳудудларига жанубий циклон кириши бошланиб, сўнгра Урал ҳудудларидан совуқ антициклон кириб келишини маълум қилди.
![](https://teznews.uz/wp-content/uploads/2020/12/qor-2.jpg)
Фото: «Tez news»
Дам олиш кунлари республика бўйича ёмғир ёғади, кечга томон қорга айланиши мумкин, фақат республика шимолида ва шимолий ҳудудларнинг чеккасида ёғингарчилик кутилмайди. Якшанба куни ёғингарчилик бўлади, у совуқ ҳароратда қор кўринишида давом этади. Республиканинг тоғли ҳудудларида баъзи жойларда кучли қор ёғиши мумкин, қор кўчиши хавфи сақланиб туради.
Дам олиш кунлари ҳарорат пасаяди ва якшанба куни 3 даража совуқ, 2 даража илиқ атрофида бўлади. Бу даврда кечаси ва эрталаб республика бўйича баъзи жойларга туман тушиши мумкин. 26 январь куни республиканинг айрим ҳудудларида шамол 15–20 метр/секундгача кучайиши кутилмоқда.