Қозоғистонда эркакларни алдаб, уларни тўнаган 44 ёшли ўзбекистонлик аёл ушланди
Қозоғистоннинг Олмаота шаҳрида эркакларни алдаб, кейин тўнаган 44 ёшли ўзбекистонлик аёл қўлга олинди.
Аниқланишича, аёл эркаклар билан танишиб, уларнинг ишончига кирган. Кейин эса жабрланувчиларнинг уйига кўчиб ўтиб, бир неча кундан сўнг телефон, пул ва бошқа қимматбаҳо буюмларни олиб кетган.
«Ҳозирда гумонланувчи қўлга олиниб, вақтинчалик сақлаш изоляторига жойлаштирилган. Ўғрилик ҳолати бўйича терговга қадар суриштирув ҳаракатлари олиб борилмоқда. Қўлга олинган шахснинг шаҳар ҳудудидаги шу каби бошқа жиноятларга алоқадорлиги юзасидан текширув ишлари давом этмоқда. Айни пайтда унга нисбатан 2 та жиноий иш бўйича айблов эълон қилинган», дейилади хабарда.
