Тошкентдаги одамлар гавжум жойлар кучайтирилган тартибда қўриқланмоқда (фото)
Тошкент шаҳар ҳуқуқ-тартибот идоралари ходимлари фуқаролар хавфсизлигини таъминлаш мақсадида назоратни кучайтирди, деб хабар бермоқда шаҳар ИИБ матбуот хизмати.
Қайд этилишича, ҳуқуқ-тартибот идоралари ходимлари савдо марказлари, истироҳат боғлари, бозорлар ва бошқа жамоат жойларида кучайтирилган хизмат кўрсатиш режимига ўтган.
«Мамлакатимиз, шаҳримиз ва ҳар бир маҳаллада тинчлик ва осойишталикни янада мустаҳкамлаш учун барчамиз бирдек масъулмиз. Бефарқ бўлманг!» — дейилади хабарда.
