Ўзбекистонда хорижда ишлаб чиқарилган автомобилларнинг давлат ҳаридлари тақиқланди

Ўзбекистонда 529 турдаги импорт қилинадиган товарларнинг давлат харидлари тақиқланди. Бу ҳақда Вазирлар Маҳкамасининг 2021 йил 29 январь куни қабул қилинган «маҳаллий ишлаб чиқарувчиларни қўллаб-қувватлаш тўғрисидаги» қарорида қайд этилди, дея хабар бермоқда Сатира

Қарорга кўра, тақиқланган товарлар рўйхатига озиқ-овқат (шоколад, вафли, сариёғ ва бошқалар), фармацевтика маҳсулотлари (дорилар, тиббий буюмлар), маиший техника (кондиционерлар, мониторлар, кир ювиш машиналари ва бошқалар), шунингдек, тракторлар ва автомашиналар киради.  Ушбу рўйхатга киритиш учун ички бозорда бундай товарларни ишлаб чиқарувчи икки ёки ундан ортиқ ишлаб чиқарувчиларнинг мавжудлиги асос бўлади.

Бироқ, рўйхатдаги товарларни импорт қилиш ҳали ҳам маълум шароитларда мумкин. Импорт қилувчи чет элдан маҳсулот сотиб олиш учун ариза юборади. Сўнгра апелляция шикоятини қабул қилиш / рад етишдан олдин 8 босқич мавжуд.

Шу билан бирга, 2020 йил ноябрь ойининг бошида Ўзбекистонда давлат харидларини амалга ошириш вақтинча тақиқланган импорт қилинадиган товарлар рўйхати жорий қилинган эди. Ўтган йилнинг октябрь ойидан бошлаб бюджет ташкилотлари раҳбарлари cooperatsiya.uz порталида рўйхатдан ўтган маҳаллий ишлаб чиқарувчилардан товарларни сотиб олишнинг муқобил имкониятларини ўрганишга мажбурликлари белгиланган эди.

Аввалроқ, Ўзбекистон ўтган 11 ойда қанча миқдорда автомобиль шинаси импорт қилгани маълум бўлгани хабар қилинган эди.