Ўзбекистон ўтган 11 ойда қанча миқдорда автомобиль шинаси импорт қилгани маълум бўлди
Ўзбекистонда 2020 йилнинг 11 ойида хориждан қиймати 58,6 миллион долларга тенг бўлган енгил автомобиллар шинасини импорт қилди. Бу ҳақда Давлат статистика қўмитаси ахборот хизмати хабар қилди.
Фото: «Mirkoles»
Хабарга кўра, бу кўрсаткич ўтган йилнинг шу даври билан солиштирилганда 12,7 миллион долларга кам.
Қайд этилишича, Ўзбекистонга енгил автомобиллар шинаси асосан Хитойдан олиб кирилган. Шунингдек, ўтган 11 ой мобайнида Ўзбекистонда енгил автомобиллар шинасини энг кўп импорт қилинган давлатлар қуйидагилар:
- Хитой 39,3 миллион доллар;
- Чехия 9,4 миллион доллар;
- Кореа 6,4 миллион доллар;
- Россия 1,7 миллион доллар;
- Туркия 916,8 минг доллар.
Маълумот ўрнида, Ўзбекистон хориждан 2020 йилнинг ноябрь ойида 3,6 миллион доллар қийматида енгил автомобиллар шинасини импорт қилган.
Аввалроқ Жиззахда ноябрдан «KIA» автомобилларининг янги моделлари ишлаб чиқарилиши ҳақида хабар берилганди. Шунигдек, Наманганда «Changan» бренди остида кичик юк автомобиллари ишлаб чиқарилиши хабар қилинган.
Кейинчалик Ўзбекистонда «ŠKODA» брендидаги автомобиллар октябрь ойида тақдим этилиши маълум қилинган. Шунигдек, Ўзбекистонда «Bentley» электромобиллари ишлаб чиқарилиши мумкинлиги хабар қилинган.
