Ўзбекистонда ишлаб чиқариладиган «KIA» автомобилларининг нархлари эълон қилинди
«KIA Motors» автомобилларининг Ўзбекистондаги нархлари эълон қилинди. Бу ҳақда компаниянинг Ўзбекистондаги сайти хабар берди.
«К5»
Фото: «KIA Motors»
Биринчи босқичда янги компаниянинг ишлаб чиқариш қуввати йилига 25 мингта автомобилни ташкил қилади. Келгусида пайвандлаш ва кузовни бўяш цехлари ишга тушгач, у 100 мингтага етади.
Нархлар
«KIA»нинг Ўзбекистондаги сайтида «Seltos» кроссовернинг нархлари учта комплектацияда тақдим этилган:
- Luxe — 229 900 000 сўмдан бошлаб;
- Style — 252 900 000 сўмдан бошлаб;
- Prestige — 279 900 000 сўмдан бошлаб.
«Седан K5» бешта комплектацияда тақдим этилган:
- Comfort — 249 900 000 сўмдан бошлаб;
- Luxe — 269 900 000 сўмдан бошлаб;
- Prestige — 293 900 000 сўмдан бошлаб;
- Style — 343 900 000 сўмдан бошлаб;
- GT Line — 369 900 000 сўмдан бошлаб.
Аввалроқ Жиззаxда ноябрдан «KIA» автомобилларининг янги моделлари ишлаб чиқарилиши, Наманганда «Changan» бренди остида кичик юк автомобиллари ишлаб чиқарилиши хабар қилинган эди.
