«Ўз касбини эплай олмаган одам президент бўлармиш! Туя хаммомни орзу қилган экан» — Юлдуз Усмонова Жаҳонгир Отажонов хақида

Таниқли хонанда, Ўзбекистон халқ артисти Юлдуз Усмонова Жаҳонгир Отажоновнинг президент бўлмоқчилигини билдириб, халққа мурожаат қилгани ҳақида ўз муносабатини айтиб ўтди.

«Бу кулгили-да! Aввал ўзингдан бошла президент бўлишни. Ўзингга президент бўлиб ўрган. Ёлғонсиз чиқ, бугун ади дейсан эрта бади дейсан. Мен аллақачон жавобимни айтган бўлардим, мени раҳмим келади бунақа одамларга. «Креслога» ўтиргани билан бирор нима бўлиб қолмайди, халқ билан халқчил бўлиб яшаш керак», — дея Юлдуз Усмонова Жаҳонгир Отажоновни кескин танқид қилди.

Шунингдек, ҳонанда президент Шавкат Мирзиёевни хақиқий президентга мисол қилиб кўрсатган.

«Халқдан чиққан. Керак бўлса, сўкишлар эшитиб, бир раҳбарнинг қўл остида ишлаб, шунча йил йиқилмай етиб келган одам», — дейди Юлдуз Усмонова.

Эслатиб ўтамиз, Жаҳонгир Отажонов ижтимоий тармоқларда ўзини президент бўлмоқчилиги ва ўз партиясини тузганлиги ҳақида айтган эди.