Чорсудаги дўконлардан бирида ёнғин чиқди
Тошкент шаҳар Олмазор туманидаги “Чорсу” бозорида дўконлардан бирида ёнғин чиқди. Бу ҳақда ФВБ хабар берди.
Унда айтилишича, 8 апрель куни соат 07:44 да Тошкент шаҳар Олмазор тумани, Сақичмон кўчасида жойлашган дўконда ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув экипажлари айтилган манзилга соат 07:47 да етиб бориб, ёнғин соат 07:57 да ўчирилди. Ёнғин оқибатида ҳалок бўлган ва жабрланганлар йўқ.
Ҳозирда ёнғин сабаби ва келтирилган моддий зарар миқдори аниқланмоқда.
